Lansering av “Djuphavsslettene”

Vi lanserer Hilde K. Kvalvaags roman Djuphavsslettene.

Det er ei sterk historie om sorg etter at ein har mista eit barn i sjølvmord.  Mora hadde fire barn, no har ho tre. Den nest eldste sonen har tatt livet sitt, berre nitten år gamal. Livet for familien i romanen er blitt eit uroleg hav med ufattelege djup og mørker, som truar med å trekke mora under. Men minsteguten hennar er berre fire år. Med han på ryggen, på reise med familien i Noreg og utlandet, må ho finne ut korleis ho skal halde seg flytande. Han treng ho. For han og dei andre barna, må ho redde seg sjølv. Romanen er eit brev til den døde sonen.

Hilde K. Kvalvaag (f.1968) bur i Bergen. Ho debuterte med ungdomsromanen Hjarteklapp i 2003, og har sidan gitt ut fleire prislønte og kritikarroste bøker for ungdom og vaksne. I 2008 kom romanen Skagerrak, som ho fekk Samlagsprisen for. Ho vart tildelt Brageprisen for beste barne- og ungdomsbok for romanen Fengsla i 2010. Fleire av bøkene hennar er omsett til tysk. Siste roman var Lev vel, alle (Samlaget, 2015).

Samtale om romanen ved forfatteren og redaktør Tiril Broch Aakre. Opplesninger.

‍