Sanning, løgn og kjærleik står sentralt i svenske Johannes Anyurus roman Ixelles (omsett til norsk av Håvard Syvertsen) som fekk knallgode kritikkar då romanen kom på norsk i 2024. Hovudpersonen Ruth kjem over ei cd-plate der kjærestan hennar, som døde tolv år tidligare, snakkar som om han framleis er i live. Blei han ikkje knivstukke i fotgjengartunnelen likevel? Ixelles er ein thriller, ei science fiction-historie, men kanskje først og fremst ein samtidsroman om utanforskap, gjengkriminalitet, klasseskilje, rus og tap av identitet. Boka er også eit eksistensielt drama som utforskar kva som skjer med eit samfunn når løgn og manipulasjon blir ei politisk kraft. Sanning og løgn står også sentralt i Anyurus nyaste bok Faktan, der Anyuru gjendiktar palestinske dikt og skriv om Sør-Afrikas folkemordsanklage mot Israel.

Møt Anyuru i samtale med forfattar og redaktør Priya Bains om sanning, løgn og fiksjonen som politisk reiskap.

Samtalen er på svensk og norsk.

190/90 (student)